என் இளையதம்பி ஹாஜாவுக்கு சென்ற 20ம் தேதி ஆண்குழந்தை பிறந்திருக்கிறது. பெயர் : அஸீல் ஹுஸைன். ஃபோட்டோவில் உள்ள பொடியர் அவர்தான். ஃபேஸ்புக்கில் , புலவர் ஆபிதீன் காக்காவின் பாடலில் ஒரு பாராவை மட்டும் நேற்று பதிவிட்டிருந்தேன். முழுப் பாடலும் இங்கே. வாழ்த்துங்கள். நன்றி. - ஆபிதீன்
***
மழலைப் பாப்பா !
கன்னங் குழியச் சிரித்துவிடில்
கவலை பறக்குது காற்றினிலேசின்னஞ் சிறுவிழிக் கடைவிளிம்பில்
சிந்தொளி தெய்வீகப் பொற்கதிரே!
பிஞ்சுவி ரல்களை நீட்டிமனப்
பிரியத்தை வெளியிடும் போதினிலேநெஞ்சினில் தேன்மழை பெய்துதுயர்
நீக்கியே இன்பம் நிறைக்குதுவே
புரியாத வார்த்தைகள் பற்பலவே
பொழிந்து மழலையைக் கொட்டுகையில்மரியாதை காட்டிடச் செய்யுமந்த
மந்திர சக்தியை என்னென்பேன்.
கொள்ளை சமத்துடன் நீநடந்தால்
கோரிய தெல்லாம் தாம்வலியபிள்ளைக் கனியுனைத் தேடிவந்து
பிரியமாய்ச் சூழ்ந்து மொய்த்திடுமே
***
நன்றி : யுனிவர்ஸல் பப்ளிஷர்ஸ் (நூல் : அழகின்முன் அறிவு)
No comments:
Post a Comment